Varstu að hugsa um að ferðast með stæl í sumar? Jafnvel fleygja 9 milljónum í eina nótt á hóteli? Lifa hátt? Þá er þessi listi mögulega eitthvað fyrir þig.
1. Á Hotel President Wilson í Sviss má finna eina dýrustu svítu í heimi. Nóttin kostar litlar 9 milljónir íslenskra króna. En ekki örvænta, þú færð 12 baðherbergi og þinn eigin líkamsræktarsal fyrir vikið.
2. Fyrir litlar 6 milljónir getur þú eytt nótt á The Grand Resort Lagonissi í Aþenu. Með svítunni fylgir einkasundlaug, þinn eigin kokkur og píanóleikari, auðvitað.
3. Shahi Mahal svítan á The Raj Palace á Indlandi þykir ein sú flottasta í heimi. Næturgistingin kostar 6 milljónir og svítunni fylgir meðal annars fullmannað spa, einkasundlaug og bryti.
4. Dýrasta svítan í Norður-Ameríku er Ty Warner svítan á Four Seasons í New York. Nóttin þar kostar 6 milljónir og dvölinni fylgir stórfenglegt útsýni yfir Manhattan, afnot af Rolls Royce, bryti og einkaþjálfari – svo eitthvað sé nefnt.
5. Fyrir 5 milljónir getur þú gist í stórglæsilegri svítu á The Palms í Las Vegas. Svítan er á tveimur hæðum og þar er vel hægt að halda 250 manna partý.
6. Hilltop Estate á Fiji býður gestum sínum upp á að leigja sitt eigið einbýlishús. Sem nær væri að kalla höll. Dvölin kostar 5 milljónir á sólarhring og henni fylgir meðal annars barnapía, bílstjóri og kokkur.
7. Í París má vel setja í sig kórónu og dvelja á Hotel Plaza Athénéss. Nóttin kostar litlar 5 milljónir.
8. Á Hotel Martinez í Cannes getur þú leigt svítu við sjávarsíðuna. Nóttin kostar rúmlega 4.8 milljónir og innifalið í verðinu er meðal annars einkaströnd og bryti.
9. Á Eden Rock hótelinu á St.Barths má einnig leigja svítu við sjávarsíðuna. Aðeins ódýrara en í Cannes – á 4,4 milljónir nóttin. Með í kaupunum er einkaströnd, líkamsræktarsalur og aðgangur að upptökustúdíói.
10. Á Hotel Cala di Volpe, á Sardínu á Ítalíu, er hægt að dvelja í stórglæsilegri þakíbúð fyrir 4 milljónir á sólarhring. Íbúðinni fylgir líkamsræktarsalur, gufubað og sundlaug.
Tengdar greinar:
Fallegustu hótel baðherbergin í heiminum
Töfrandi og ævintýralegt hótel
Fljótandi hótelherbergi í Svíþjóð
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
