Það er sumt í þessum heimi einfaldlega of hræðilegir til þess að maður nái einu sinni að hugsa þá til enda. Það á vel við í þessu tilfelli. Hin 10 mánaða Emmaleigh Barringer, frá Vestur Virginíu, lést þann 5. október síðastliðinn eftir að hafa verið nauðgað og misþyrmt af kærasta móður sinnar, Benjamin Taylor (32).
Atvikið átti sér stað aðfaranótt 3. október á meðan allir aðrir á heimilinu voru í fastasvefni.
„Ég hef aldrei upplifað neitt þessu líkt síðan ég man eftir mér,“ sagði Tony Boggs yfirlögregluþjónn á svæðinu.
Amanda Leigh Adkins, móðir Emmaleigh, vaknaði milli 4:30 og 5 um nóttina og fann litla barnið sitt, liggjandi í blóði sínu, í kjallaranum og hringdi hún strax í 911.
Þegar lögreglan kom í húsið, sá hún Benjamin vera að þurrka einhvern blett úr nára sínum, og komst lögreglan fljótt að því að það var blóð. Í kjallaranum fann lögreglan teppi og föt sem voru öll í blóði. Benjamin sagðist ekkert vita um það hvernig atvikið átti sér stað, sagðist hafa verið að þvo þvott og allt í einu hafi hann dottið út. Barnið lést síðar á gjörgæsludeild. Læknirinn sem sá um stúlkuna sagði að hún hefði verið beitt kynferðislegu ofbeldi, verið hrist og lamin í andlitið sem leiddi til dauða hennar. Benjamin er í fangelsi og mun vera kærður fyrir kynferðislegt ofbeldi og morð. Hann á yfir höfði sér lífstíðarfangelsi en flestir eru á þeirri skoðun að fangelsi sé of gott fyrir hann.
Farinn er í gang undirskriftalisti sem hefur líka verið sendur á Hvíta húsið, þar sem farið er fram á að Benjamin verði líflátinn. Þeir sem að listanum standa vilja að maðurinn verð hengdur á almannafæri. Ef 100 þúsund undirskriftir nást á 30 dögum mun stjórn Obama forseta þurfa að líta á listann og taka afstöðu til hennar.
