Bökuð ostakaka með hindberjum

Þessi fallega ostakaka er frá Eldhússögum.

IMG_6977

Uppskrift:

Botn:

  • 300 g Digestive kex (ca. 20 kexkökur)
  • 150 g smjör

Ofn stilltur á 175 gráður við undir- og yfirhita. Smjör brætt og kex mulið í matvinnsluvél eða mixer og því blandað saman við smjörið. Sett í bökunarform með lausum botni og blöndunni þrýst i í botninn og aðeins upp í hliðar á forminu. Botnin bakaður í 10 mínútur og látin kólna.

Ostakaka:

  • 1 dl sykur
  • 1 dl maizenamjöl
  • 2 tsk vanillusykur
  • 600 g rjómaostur
  • 1 dós sýrður rjómi
  • 3 egg
  • 1 dl rjómi
  • 100 gr hvítt súkkulaði
  • 300 g frosin hindber (afþýdd)
  • 2 msk sykur
  • 2 blöð matarlím

IMG_6928

Ofninn lækkaður í 160 gráður. Sykri, maizenamjöli og vanillusykri blandað saman í skál. Sýrðum rjóma og rjómaosti bætt við og þeytt þar til að blandan verður kremkend. Eggjum bætt við og þeytt vel, en þó ekki mjög lengi. Rjómanum smátt og smátt bætt við og þeytt á meðan. Súkkulaði brætt yfir vatnsbaði og bætt út í að lokum. Blöndunni hellt yfir kexbotninn og ca. 10-15 hindberjum stungið ofan í deigið hér og þar. Bakað við 160 gráður í 45-55 mínútur, eða þar til að kakan er bökuð að öllu leiti nema bara dálítið blaut í miðjunni. Þá er slökkt á ofninum og henni leyft að standa í ofninum í allavega hálftíma í viðbót. Notið álpappír yfir kökuna ef hún fer að dökkna mikið þegar líður á bökunartímann. Athugið að ostakakan verður ekki beint stíf þegar hún er tilbúin heldur getur hún ,,dansað” svolítið í miðjunni þó hún sé tilbúin. Síðan sígur kakan dálítið og jafnar sig. Það koma oft sprungur í yfirborðið en það er algengt og skiptir litlu. Ostakan er látin kólna í forminu og hindberjakremið er útbúið. Matrlímið er lagt í skál með köldu vatni í ca. 5 mínútur. Restin af hindberjunum eru sett í pott á samt sykrunum og þau hituð upp, hrært í þeim á meðan með gaffli þar til þau verða að mauki. Þegar blandan er orðin heit er mesta vatnið kramið úr matarlíminu og því bætt út í hindberjablönduna. Þegar blandan hefur kólnað aðeins er dreift úr henni yfir kalda ostakökuna (enn í forminu). Ostakakan látin bíða í ísskáp yfir nóttu eða í minnst 6-8 tíma áður en hún er borin fram.

IMG_7065

Skyldar greinar
Oreo ostaköku brownies
Yankie ostakaka
Ostakökubrownie með hindberjum
Hindberjasnittur með hvítsúkkulaðiglassúr
Hindberjamuffins með rjómaostafyllingu og hnetumulningi
Ostakaka með ferskum jarðaberjum og kókosrjóma
Oreo ostakaka með hnetusmjörrjóma sem ekki þarf að baka
Æðisleg mangóostakaka
Amerísk ostakaka með bláberjum
Hættulega góð bananaostakaka
Uppskrift: einfaldasti og hollasti ís í heimi
2
Frosin ostakaka með Dumle karmellukremi og makkarónubotni
Dásamlega ljúffeng Oreo & Pipp ostakaka
Pannacottakaka með ástríðualdin
Myndband
Lygileg YouTube stjarna: Sjúklega sæt kanína – útötuð í hindberjum
8
Ostakaka með Nóa kroppi og hindberjasósu – einföld og fljótleg