Brauðsúpa – rúgbrauðssúpa

Þessi æðislega, klassíska uppskrift er frá Albert Eldar. Það eiga eflaust margir minningar um að hafa borðað þessa súpu í æskunni. Svakalega góð!

———————-

Brauðsúpa – rúgbrauðssúpa. Uppáhaldssúpur mínar á bernskuárunum voru lúðusúpa og rúgbrauðssúpa. Eftir að ég varð fullorðinn fékk ég einhvers staðar brauðsúpu að borða, í henni var uppistaðan fransbrauð og ca þriðjungurinn rúgbrauð. Það þótti mér ekki góð súpa.  Til að rifja upp sæluminningar tengdar rúgbrauðssúpunni fékk ég uppskriftina hjá mömmu og er hún hér lítillega breytt. Bæði rúgrauð og maltöl innihalda mikinn sykur þannig að þarf ekki aukasykur. Gerum hvað við getum til að draga úr sykuráti.

Brauðsúpa – rúgbrauðssúpa

600 g seytt rúgbrauð

2 1/2 b maltöl

3-4 b vatn

1 msk edik

2-3 msk sítrónusafi

1/2 sítróna í sneiðum

1/2 dl rúsínur

1/3 tsk kanill

1/3 tsk salt

Þeyttur rjómi

IMG_1272-768x1024

Leggið rúgbrauðið í bleyti í maltöli og vatni í 2-3 tíma. Setjið í pott ásamt ediki og sítrónusafa. Sjóðið í 10 – 15 mín. Pískið kekki úr súpunni og bætið við vatni eftir þörfum. Látið að því búnu sítrónusneiðar, rúsínur, kanil og salt saman við. Berið fram með þeyttum rjóma.

Albert Eldar á Facebook

 

Skyldar greinar
Grænmetissúpa
Blómkálssúpa með rauðu karrý
Austur-afrísk grænmetissúpa með hnetum og sætum kartöflu
Íslensk kjötsúpa
Humarsúpa
Aspassúpa – Vinsæll forréttur um hátíðirnar
Brasilísk fiskisúpa
Fiskisúpa að vestan
Ofureinföld tómatsúpa með tælensku ívafi
Fiskisúpa með karrí og eplum
Einföld og gómsæt tælensk fiskisúpa
Víetnömsk núðlusúpa með nautakjöti
Gómsæt blómkálssúpa með eplum og beikonbitum
Gómsæt kjúklingasúpa með eplum, karrí og engifer
Tómatsúpa með grillaðri papriku, stökku beikoni og fetaostkurli
Krassandi papríku og tómatsúpa