Dásamlegir þorskhnakkar með döðlupestó

Þessi æðislega uppskrift er fengin af blogginu hennar Tinnu Bjargar. Rétturinn er algjört lostæti og mæli ég eindregið með því að þú prófir hann á næstunni. Eins mæli ég með því að fylgjast með Tinnu á Facebook – hún er nefnilega alltaf að elda eitthvað gott.

Sjá einnig: Pönnusteiktur þorskur með sætum kartöflubátum og basilikumajónesi

IMG_8894

Dásamlegir þorskhnakkar með döðlupestó

1 sæt kartafla

2 rauðar Romero paprikur

sjávarsalt

svartur pipar

1 krukka fetaostur

1 krukka grænt pestó

2/3 bolli salthnetur

10-15 döðlur

1 kg þorskhnakki (3-4 flök)

Afhýðið sæta kartöflu og skerið í um 1 cm þykkar sneiðar. Kljúfið Romero paprikur, fræhreinsið þær og skerið í nokkuð stóra bita, um 2-3 cm. Smyrjið eldfast mót með 1 msk af olíu af fetaostinum. Raðið sætum kartöflum í botninn á mótinu og dreifið paprikubitum yfir ásamt smá sjávarsalti og svörtum pipar. Eldið í ofni við 200° í 20 mínútur og útbúið döðlupestó á meðan.

Sjá einnig: Brjálæðislega gott döðlu- & ólífupestó

Hellið olíu af fetaosti, setjið hann í skál og stappið örlítið með gaffli þannig að teningarnir verði smærri. Blandið grænu pestó saman við fetaostinn ásamt salthnetum og smátt skornum döðlum.

Skerið þorskflök í 2-3 stykki og raðið ofan á sætar kartöflur og papriku. Smyrjið 2-3 msk af döðlupestó yfir hvert þroskstykki þannig að fiskurinn verði alveg þakinn pestói. Lækkið hitann á ofninum í 180° og eldið fiskréttinn í 20 mínútur.

Berið fram með fersku salati.

Skyldar greinar
Kleinurnar hennar mömmu
Heitasti morgunmaturinn
Grillaður ferskur maísstöngull með hvítlaukssmjöri
Fiskur í tómat og feta
Fiskibollur
Myndir
Döðlugott
Austur-afrísk grænmetissúpa með hnetum og sætum kartöflu
Heimagerður rjómaís
Fiskur með kókosflögum og basil
Þorskur undir krydduðum osta- og rasphjúp
Spaghetti Cacio E Pepe með klettasalati og sítrónu
Brasilísk fiskisúpa
Ostamús með hnetusmjöri, rjóma og salthnetum
Þorskur með snakkhjúpi
Mexíkósk kjúklingabaka
Myndband
Notaðu eggjaskera til að skera annað en egg