Fiskur með kókosflögum og basil

Þessi dásamlegi fiskur er frá Café Sigrún en hún er með stórkostlegt safn girnilegra uppskrifta á síðu sinni.

  • 175 g kirsuberjatómatar skornir í helminga
  • 1 hvítlauksrif, saxað smátt
  • 450 g ýsa (bein- og roðlaus)
  • 25 g kartöflumjöl eða spelti
  • 0,5 tsk salt (Himalaya eða sjávarsalt)
  • Smá klípa svartur pipar
  • 1 tsk kókosolía
  • 2 msk rautt, thailenskt karrímauk
  • 1 msk fiskisósa (Nam Plah)
  • 250 ml léttmjólk eða undanrenna
  • 2 msk kókosflögur
  • 20 fersk basil blöð, skorin í ræmur eða rifin

Aðferð

  1. Afhýðið hvítlaukinn og saxið smátt.
  2. Skerið kirsuberjatómatana í helminga.
  3. Skerið fiskinn í meðalstóra bita (ég miða við 4 bita á hvert flak eða svo).
  4. Setjið kartöflumjölið í skál og kryddið með salti og pipar. Veltið bitunum í mjölinu og þekið vel.
  5. Hitið kókosolíu á stórri pönnu. Setjið fiskinn á pönnuna og hitið í 3-4 mínútur. Ef vantar meiri vökva á pönnuna notið þá vatn.
  6. Blandið saman hvítlauk, karrímauki, fiskisósu og mjólk.
  7. Hellið blöndunni yfir fiskinn og hitið að suðu.
  8. Bætið tómötunum við og látið krauma í 5 mínútur (gætið þess að ofhita ekki því þá fara steinarnir að leka út úr tómötunum).
  9. Dreifið basil blöðunum yfir og kókosflögunum yfir og hrærið varlega svo að fiskurinn fari ekki í sundur.

Gott að hafa í huga

  • Gott er að hafa grjón með þessum mat og þá helst hýðishrísgrjón. Einnig er gott að nota bygg.
  • Nota má annan fisk en ýsu, t.d. má nota þorsk, steinbít eða lúðu.
  • Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
  • Nota má aðra olíu en kókosolíu, t.d. vínberjakjarnaolíu eða repjuolíu.
  • Nota má hrísmjólk, möndlumjólk, sojamjólk eða haframjólk í staðinn fyrir léttmjólk.
  • Rautt karrímauk (thailenskt) er hægt að fá í flestum heilsubúðum sem og stærri matvöruverslunum. Gætið þess bara að sé ekki msg (monosodium glutamate, E-600 efni eða sykur í innihaldinu. Kaupið helst lífrænt framleitt mauk. Athugið að þau geta verið afar bragðsterk og geta innihaldið rækjumauk. Ef þið eruð jurtaætur (enska: vegan) eða með ofnæmi fyrir sjávarafurðum þurið þið að lesa innihaldið vel.

CaféSigrún á Facebook

Skyldar greinar
Fiskur í tómat og feta
Fiskibollur
Þorskur undir krydduðum osta- og rasphjúp
Þorskur með snakkhjúpi
Þorskhnakkar í karrísósu með lauk og eplum
Saltfiskur með mangó chutney – Einfaldur og góður
Fiskgratín með sveppum
Ofnbakaður skötuselur í karrí-mangósósu með kúskús
Mango chutney bleikja sem slær öllu við!
Fiskisúpa að vestan
Grillaður lax með himneskri marineringu
Þorskur með balsamik-lauk og sellerímús‏
Þorskur í pestómauki
Ljúffengi og litríki fiskrétturinn
Fiskisúpa með karrí og eplum
Asískur lax með hunangsgljáa