Þetta er nú sannkallað æði í helgarmorgunmat.
Smá „trít“ og allir í fjölskyldunni elska.
Morgunverðar „pizza“. Súper einfalt og alveg jummí.
Þessi kláraðist á núll einni hér á bæ.
1/2 bolli haframjöl
1 meðalstór banani
2 tsk. kókos hveiti (hægt að kaupa en ég set bara kokosmjöl í blandara og bý til mjöl)
1 tsk. Agave sýróp eða 1 tsk. hunang
1 tsk. hnetusmjör (velja gott)
Hræra öllu vel saman (gott að stappa bananann fyrst).
Setja svo blönduna á smjörpappír og móta hring.
Baka á ofnplötu.
Bakist við 200°C.
Fyrst í 8 mínútur en þá taka út og snúa botninum við.
Þá er að baka í 5 mínútur. Taka út og kæla.
Ofan á pizzuna:
Grísk jógúrt (eða blanda Grískri jógurt og AB-mjólk frá Örnu saman).
Ávexti eftir smekk.
Ég notaði kíví og nýtýnd bláber.
Stráði svo smá af Chia fræjum yfir.
Algjört sælgæti.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
