Gulrótar- og bananaskonsur

Þessar skemmtilegu skonsur koma frá Café Sigrún.

Gulrótar- og bananaskonsur

Gerir um 10 skonsur

Innihald

  • 120 g gulrætur, skrældar og rifnar á rifjárni
  • 25 g pecanhnetur, saxaðar smátt
  • 10 döðlur, saxaðar smátt
  • 40 g rúsínur, saxaðar smátt
  • 380 g spelti
  • 2 msk vínsteinslyftiduft
  • 0,5 tsk cardimommur (eða kanill)
  • 1 msk kókosolía
  • 125 ml stappaðir bananar
  • 3 msk hreint hlynsíróp (eða agavesíróp)
  • 190 ml súrmjólk eða AB mjólk

Aðferð

  1. Skrælið gulræturnar og rífið á rifjárni.
  2. Saxið pecanhnetur, döðlur og rúsínur fremar smátt og .
  3. Sigtið saman í stóra skál: Spelti, cardimommum og lyftidufti. Hrærið aðeins. Blandið rifnu gulrótunum, hnetum, döðlum og rúsínum saman við og hrærið vel.
  4. Afhýðið bananana og stappið þá vel. Setjið í miðlungsstóra skál og bætið hlynsírópi, súrmjólk og kókosolíu saman við. Hellið varlega út í stóru skálina.
  5. Blandið öllu vel saman og hnoðið í smá stund þangað til deigið er orðið þétt og mjúkt. Notið spelti ef þarf, til að deigið klessist ekki við borðið.
  6. Stráið spelti á borð og hnoðið þangað til að deigið er orðið útflatt og um 2 sm á hæð (þ.e. á þykkt).
  7. Notið glas um 3-4 sm í þvermál og með skörpum brúnum, til að skera út skonsur í deigið.
  8. Þegar þið eruð búin að búa til eins margar skonsur og þið getið í fyrsta kasti, þá skuluð þið hnoða deigið saman aftur og endurtaka leikinn þangað til allt deigið er búið. Gætið þess að deigið sé alltaf eins á þykkt.
  9. Setjið bökunarpappír á bökunarplötu og raðið skonsunum á plötuna.
  10. Dreifið svolitlu spelti yfir skonsurnar (má sleppa).
  11. Bakið við 200°C í um 15-20 mínútur á um 200°C.

Smellið einu like-i á Café Sigrún á Facebook. cs_logocafe sigrun

Skyldar greinar
Hollt og ljúffengt konfekt
Himneskar smákökur
Kleinurnar hennar mömmu
Dýrindis túnfisksalat
Hummus
Vatnsdeigsbollur
Fiskibollur
Einfaldur grænmetisréttur í ofni
Eplakaka með súkkulaði og kókos
Banana bollakökubrownies
Pekanhnetubitar
Amerískar heilhveitipönnukökur með banönum
Kjúklingur með bönunum og rúsínum
Austur-afrísk grænmetissúpa með hnetum og sætum kartöflu
Kjúklingur með grænmeti, núðlum og cashewhnetum
Hálfmánar með sultu