Kúnstin að elda „poached“ egg með fagurfræði í fyrirrúmi.
Nýjasta æðið í morgunmat hér á landi er svokallað „poached“ egg, en það er algjörlega að velta ristuðu brauði með avókadó úr sessi, sem hinn eiginlegi hátísku morgunverður. Það má eiginlega segja að „poached“ egg sé avókadó ársins 2017. Það er reyndar ekkert því til fyrirstöðu að þetta sé allt borðað saman, eggið, avókadóið og brauðið. En það er ákveðin kúnst að ná egginu rétt elduðu og með útlitið í lagi.
Galdurinn er að fylla pott með vatni ⅔ og láta það sjóða. Lækka svo hitann þannig að rétt kraumi í vatninu þegar eggið er sett ofan í. Brjóttu eggið í desilítramál og leggðu það varlega ofan í pottinn eftir að hafa bætt smá ediki útí og hrært þannig að hvirfilbylur myndist. Eggið er soðið í um fjórar mínútur og svo veitt upp úr og þerrað. Saltað, piprað og borðað.
Hér eru þrjár leiðir til að gera „poached“ egg
https://www.youtube.com/watch?v=6wB6C-Kb9vw&ps=docs
Heimildir: Fréttatíminn
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
