Lamba Korma

Þessi ótrúlega girnilega uppskrift kemur frá Allskonar.is og er einstaklega ljúffeng

Uppskriftin hentar fyrir 4

 

  • Kryddmauk
  • 8 svört piparkorn
  • 5 grænar kardimommur
  • 3 negulnaglar
  • 1 rautt chili, fræhreinsað og fínsaxað
  • 2 lárviðarlauf
  • 5 tsk kókosmjöl
  • 12 möndlur, saxaðar
  • Kjötréttur
  • 700gr lambakjöt, í bitum
  • 2 laukar, fínsaxaðir
  • 3 msk olía
  • 4 hvítlauksrif, marin
  • 2.5cm engiferrót, rifin
  • 1 msk kóríander, malað
  • 1/2 tsk chiliduft
  • 1 tsk salt
  • 1.5 dl súrmjólk eða AB mjólk
  • 1 tsk garam masala kryddblanda
  • 400ml vatn
  • 5 msk rjómi ( má sleppa)

Undirbúningur: 15 mínútur

Eldunartími: 60 mínútur

Byrjaðu á að útbúa kryddmaukið:
Settu allt innihaldsefnið sem á að fara í maukið í matvinnsluvél eða mortél og blandaðu saman svo úr verði mauk. Þú getur sett smá vatn út í til að hjálpa til. Settu í skál til hliðar.

Hitaðu olíuna á meðalhita í stórri pönnu og steiktu fínsaxaðan laukinn þar til gullinn, eða í 5 mínútur. Bættu þá við hvítlauknum og engifernum og steiktu í um mínútu til.
Settu nú kryddmaukið út í laukinn á pönnunni og steiktu í 1 mínútu. Bættu nú við kjötinu. Steiktu þar til fer að brúnast vel, hrærðu vel annað slagið til að velta bitunum um. Þetta ætti að taka um 7-10 mínútur.

Settu næst kóríander, salt og chiliduft út í og steiktu í 1-2 mínútur. Bættu næst við súrmjólkinni, um matskeið í einu. Hrærðu vel og steiktu hana vel, ekki setja hana alla út í í einu.
Þegar þú ert búin/n að steikja upp súrmjólkina þá bætirðu við garam masala kryddblöndunni og 400ml af vatni. Hrærðu vel og lækkaðu undir pönnunni. Settu lok á og leyfðu að malla í um 45 mínútur eða þar til kjötið er orðið lungamjúkt.

Smakkaðu til með salti.

Bættu rjómanum út í rétt áður en þú berð fram. Rjómanum geturðu sleppt, hann gerir sósuna þó þykkari og mýkri og getur dregið úr sterku kryddbragði ef þú vilt hafa réttinn mildan á bragðið.

Endilega smellið like-i á Allskonar á Facebook

allskonar-logo2

Skyldar greinar
Grillað lambalæri með bláberja- og hunangsmarineringu
Salat með lambalundum, sætum kartöflum og ofnbökuðum tómötum
Myndband
Þriggja ára tekur á móti lambi
Grískt lambalæri með tómat- og ólífusósu
Kind bar eineygðu lambi í Árneshreppi
Kínverskur wok réttur með lambakjöti og grænmeti í ostrusósu
Myndband
Lamb sem veit hvað það vill
Vikumatseðill 6. okt – 13. okt
Vikumatseðill: 26. maí – 1. júní