Mexíkósk kjúklingabaka

Hér er gómsæt baka frá Ljúfmeti og lekkerheit. Hún er einföld, fljótleg og tilvalin við hvaða tækifæri sem er.

Botn

3 dl hveiti

100 gr smjör

2 msk vatn

Fylling

3 kjúklingabringur

1 laukur, hakkaður

nokkrir niðurskornir sveppir

1 rauð paprika, skorin smátt

150 gr. rjómaostur

1/2 dós chunky salsa

3 dl rifinn ostur

Sjá einnig: Parmesanbaka með spínati og kirsuberjatómötum

Hitið ofninn í 225°. Blandið hráefninu í botninn saman þannig að það myndi deigklump, fletjið hann út og fyllið út í bökumót (ég nota oft bara venjulegt kökuform). Forbakið í ca 10 mínútur.

Bræðið smjör á pönnu og mýkið laukinn, sveppina og paprikuna við miðlungsháan hita. Á meðan passar vel að skera kjúklingabringurnar í lekkera bita. Þegar grænmetið er tilbúið er það tekið af pönnunni og kjúklingabitarnir steiktir upp úr smjöri. Bætið grænmetinu aftur á pönnuna ásamt rjómaostinum og salsasósunni og leyfið að malla saman um stund.

Setjið fyllinguna í forbakaðan botninn og stráið rifnum osti yfir. Bakið þar til osturinn er bráðnaður og kominn með fallegan lit.

Berið fram með góðu salati, nachos, sýrðum rjóma og guacamole.

Ljúfmeti og lekkerheit á Facebook

Skyldar greinar
Kleinurnar hennar mömmu
Heitasti morgunmaturinn
Grillaður ferskur maísstöngull með hvítlaukssmjöri
Myndir
Döðlugott
Kartöflu- og spínatbaka
Austur-afrísk grænmetissúpa með hnetum og sætum kartöflu
Heimagerður rjómaís
Spaghetti Cacio E Pepe með klettasalati og sítrónu
Brasilísk fiskisúpa
Ostamús með hnetusmjöri, rjóma og salthnetum
Þorskur með snakkhjúpi
Saltfiskur með mangó chutney – Einfaldur og góður
Parmesanbaka með spínati og kirsuberjatómötum
Hollt og dásamlega gott bananabrauð
Snickers Marengskaka
Ofnbakaður skötuselur í karrí-mangósósu með kúskús