Naanbaka með mangókjúkling og spínati

Þessi skyndi-helgarmatur er frá Eldhúsperlum

 

Naanbaka með mangókjúkling og spínati (fyrir 3-4)

  • Tvo stór naanbrauð (ég notaði Stonefire hvítlauks naan, fást t.d. í Hagkaup)
  • 2 msk smjör
  • 700 gr úrbeinuð kjúklingalæri, krydduð með kjúklingakryddi og karrýi eftir smekk (ég mæli með Deluxe karrýi frá Pottagöldrum)
  • 2 msk ólífuolía,
  • 1 dl mangóchutney
  • 1 dl kjúklingasoð (vatn og kraftur, ég nota alltaf fljótandi Oscar kraft)
  • 1 tsk Sambal oelek chillimauk (má sleppa ef þið viljið alls ekki sterkt)
  • 2 góðar handfyllir ferskt spínat
  • 200 gr rifinn ostur (1 poki, má líka nota meira)
  • Ofaná: 1 rauðlaukur skorinn í þunnar sneiðar, fersk steinselja eða kóríander og jógúrtsósa, ég notaði tilbúna jógúrt sósu frá Gott í kroppinn með hunangi og dijon.

Aðferð:

Hitið ofn í 180 gráður. Leggið naanbrauðið á ofnplötu. Skerið kjúklinginn í litla munnbita. Hitið pönnu með ólífuolíu, kryddið kjúklinginn vel með góðu kjúklingakryddi og karrý og steikið. Þegar kjúklingurinn hefur brúnast vel bætið þá mangóchutney og kjúklingasoði á pönnuna og látið malla þar til kjúklingurinn er eldaður í gegn og sósan hefur þykknað aðeins, ca. 10 mínútur (það á ekki að vera mikil sósa). Smakkið til með salti og pipar og chillimaukinu.

Smyrjið naanbrauðin með smá smjöri og skiptið spínatinu jafnt á bæði brauðin. Hellið því næst kjúklingnum ofan á spínatið og toppið með vel af rifnum osti. Bakið í um 15 mínútur. Þegar komið úr ofninum leggið þá þunnar rauðlaukssneiðarnar yfir og skreytið með smá saxaðri steinselju eða ferskum kóríander og jógúrtsósu.

IMG_5394

Skyldar greinar
Láttu þér líða vel
Heimagert ravioli með spínati og ricotta fyllingu
Kjúklingasamloka með mozzarella og aioli majónesi
7 matarsamsetningar sem bæta heilsuna
Árstíðabundinn matseðill
Almennt um matarsýkingar
Beikonvafðar fylltar kjúklingabringur
Parmesanristaðar kartöflur
Kjúklingur með dijon parmesan hjúp
Súper einfaldur kjúklingaréttur
Ljúffengir leggir
Kartöflu- og spínatbaka
Suðræn stemning og æðislegur matur
Thailenskur kjúklingur í hnetusósu (Satay)
Myndband
10 fjölskyldur með stórfurðulegar matarvenjur
Hoi Sin kjúklingur