Ofnbakaður skötuselur í karrí-mangósósu með kúskús

Það er farið að kólna og þá förum við að hugsa um heilsuna. Rækta sál og líkama. Þá er eitt það besta sem þú getur borðað fiskur. Hér er frábær uppskrift frá Eldhússögum.

 

Uppskrift:

  • 800 gr. skötuselur
  • nokkrar gulrætur, skornar í litla bita
  • 1/2 kúrbítur, skorinn í litla bita
  • 3 msk. karrímauk (curry paste)
  • 3 msk. mangó-chutney
  • 2 msk. ferskt kóríander
  • 1 stór hvítlauksgeiri
  • grænmetiskraftur (ég muldi einn tening út í)
  • 1 peli rjómi (hægt að skipta út fyrir kókosmjólk)
  • olía
  • salt og  pipar

Aðferð:

Hitið ofninn í 200 gráður. Hreinsið skötuselinn (hann kemur oftast hreinsaður úr fiskbúðum)  og skerið í jafna bita.  Skerið grænmetið í bita. Hrærið saman karrýmauki og mango chutney og saxið kóriander út í maukið. Afhýðið hvítlauk, saxið smátt og bætið út í maukið ásamt grænmetiskrafti og rjóma. Hitið olíu á pönnu og steikið skötuselinn í um 1 mínútu á hvorri hlið á vel heitri pönnunni. Kryddið með salti og pipar.

Raðið skötuselnum í smurt eldfast mót, stráið kúrbít og gulrótunum yfir og hellið svo maukinu yfir allt saman. Bakið í 10-17 mínútur við 200 gráður (fer eftir þykkt skötuselsins).

Berið fram með kúskús eða hrísgrjónum og  góðu salati (og hvítvíni ef þannig liggur á manni!)

Skyldar greinar
Kleinurnar hennar mömmu
Heitasti morgunmaturinn
Grillaður ferskur maísstöngull með hvítlaukssmjöri
Hummus
Fiskur í tómat og feta
Fiskibollur
Myndir
Döðlugott
Austur-afrísk grænmetissúpa með hnetum og sætum kartöflu
Sykurpúðakakó
Heimagerður rjómaís
Fiskur með kókosflögum og basil
Ávaxtakaka með pistasíum
Drykkur sem bætir brennsluna á nóttunni
Gulrótaterta með kasjúkremi
Þorskur undir krydduðum osta- og rasphjúp
Spaghetti Cacio E Pepe með klettasalati og sítrónu