Nicki Minaj liggur undir hörðum ákúrum fyrir útgáfu myndbands við nýjustu smáskífu sína; ONLY þar sem Lil Wayne, Drake og Chris Brown fara stórum með rassmjúka rappmógúlinum sem er ein fárra kvenna í rappheiminum í dag sem virðist vefja hálfum bransanum um fingur sér.
Þannig sverja þeir félagar allir sem einn að enginn þeirra hafi komið höndum yfir Nicki. Aldrei. Ekki einu sinni. Drake ríður á vaðið og leggur spilin á borðið í smellinum ONLY sem er með þungu ívafi og syngur:
I never fucked Nicki cause she got a man / But when that’s over then I’m first in line …
Sjálft myndbandið er teiknimynd og er Nicki í hlutverki voldugs hershöfðingja sem rekur her sinn með harðri hendi og þykir sviðsmyndin minna ósegjanlega á SS dauðasveitir Nasista í seinni heimsstyrjöldinni.
Svo mjög að Nicki liggur undir hörðum ákúrum, ófáir vilja að myndbandið verði tekið tafarlaust úr sýningu – aðrir krefjast þess að Nicki stígi fram og biðji hreint út sagt afsökunar og svo eru það þeir sem nú eru sannfærðir um að Nicki sé þrúguð af gyðingahatri sem brýst út í sviðsmyndinni:
Um margt minna rauð og drungaleg flöggin, sem bera upphafsstafi Nicki óneitanlega á hakakross nasista og hafa ófáir gengið svo langt að krefjast þess að myndbandið verði hreinlega tekið úr sýningu.
Erfitt er að neita því að samlíkingin er fremur augljós og þannig má sjá skriðdrekasveitir í myndbandinu sem virðast standa við dómshúsið í Nurember, þar sem nasistar settu upp réttarhöld í seinni heimsstyrjöldinni með grimmilegum afleiðingum.
Hefur Nicki LOKS gengið of langt?
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
