Stökkar sætkartöflufranskar og köld sósa sem passa með öllu

Þessar dýrðlegu uppskriftir eru frá Ljúfmeti og lekkerheitum. 

Stökkar sætkartöflufranskar og köld sósa sem passar með öllu

Sætar kartöflur fara vel með flestum mat og mér þykja þær sérlega góðar með kjúklingi og fiski. Ofnbakaðir þorskhnakkar með sætum kartöflufrönskum, kaldri sósu (uppskriftin er hér fyrir neðan) og salati er einfaldur, hollur og svo æðislega góður matur sem bæði passar hversdags eða með hvítvínsglasi í vikulok. Sósan passar með öllum mat og er sérlega góð með fiski. Ég mæli með að þið prófið!

Stökkar sætkartöflufranskar og köld sósa sem passar með öllu

Stökkar sætkartöflufranskar

Hitið ofninn í 130° og skerið sætu kartöflurnar niður í franskar. Dreifið úr þeim á bökunarplötu klædda bökunarpappír og bakið í um 40 mínútur án þess að hafa olíu eða krydd á þeim. Takið þær síðan úr ofninum, sáldrið ólífuolíu yfir og kryddið eftir smekk. Hækkið hitann á ofninum upp í 200-220°og bakið kartöflurnar aftur í um 20 mínútur.

Köld sósa

Hrærið saman sýrðum rjóma og sweet chilli sósu. Byrjið með ca 2 msk á móti einni dós af sýrðum rjóma og smakkið ykkur áfram.

Ljúfmeti á Facebook.

 

SHARE