Syndsamlega gott kjúklingasalat

Þetta ótrúlega ljúffenga salat kemur af matarblogginu hennar Tinnu Bjargar. Stórfínt í bumbuna eftir að kjöt- og súkkulaðiátið síðustu daga. Úff. Ég legg til að þú fylgist með blogginu hennar Tinnu á Facebook – uppskriftirnar hennar eru hver annarri girnilegri.

Sjá einnig: Uppáhalds kjúklingarétturinn með piparosti, hvítlauk og pestó

1920249_10152222702677453_1375923839_n

Syndsamlega gott kjúklingasalat

1 dl sykur

1 dl balsamik edik

3 msk majónes

1 dós sýrður rjómi

3 kjúklingabringur

salt

svartur pipar

1 bréf beikon

1 rauðlaukur

1 krukka fetaostur

1 og 1/2 dl kasjúhnetur

100-130 gr klettasalat

  • Sjóðið sykur og balsamikedik í potti þar til sykurinn bráðnar og kælið. Hrærið majones og sýrðan rjóma saman í skál og bætið balsamikblöndunni við.
  • Saltið og piprið kjúklingabringur og steikið þær í ofni við 170° í 40-50 mínútur. Skerið bringurnar í bita og látið kólna.
  • Skerið beikon í bita og steikið á pönnu eða í ofninum með kjúklingabringunum.
  • Saxið rauðlauk smátt, hellið olíu af fetaosti og blandið saman í skál ásamt kjúklingabitum, beikoni, kasjúhnetum og klettasalati. Hrærið balsamikediksósunni saman við salatið.
  • Ég kýs að steikja kjúklingabringurnar frekar heilar í ofni en að steikja þær í bitum á pönnu því þá verða þær síður brasaðar, stökkar og þurrar. Beikonið finnst mér betra að steikja á pönnu því mér finnst það verða svolítið eins og gúmmi þegar það er eldað í ofni.

Algjört hnossgæti – verði ykkur að góðu!

 

 

Skyldar greinar
Kjúklingasamloka með mozzarella og aioli majónesi
Kleinurnar hennar mömmu
Heitasti morgunmaturinn
Grillaður ferskur maísstöngull með hvítlaukssmjöri
Beikonvafðar fylltar kjúklingabringur
Kjúklingur með dijon parmesan hjúp
Súper einfaldur kjúklingaréttur
Ljúffengir leggir
Myndir
Döðlugott
Thailenskur kjúklingur í hnetusósu (Satay)
Hoi Sin kjúklingur
Grillaðar kjúklingabringur með apríkósugljáa
Kjúklingur með bönunum og rúsínum
Tandoori kjúklingasalat
Austur-afrísk grænmetissúpa með hnetum og sætum kartöflu
Nachos-kjúklingur í salsarjómaostasósu