Já, ég er að fara að tala um vanilluís með beikonkaramellu. Nei, ekki hætta að lesa. Þetta er yfirnáttúrleg blanda. Hrein ástaratlot við bragðlaukana. Saltað beikonið með sætum ísnum. Sál þín mun syngja. Það er loforð.
Sjá einnig: Svakaleg beikonbaka sem þú bara verður að prófa
Fleygið 4-5 beikonsneiðum inn í ofn á 200° í 15-20 mínútur. Leyfið því að kólna. Saxið smátt.
1 1/2 bolli sykur
1 1/2 msk smjör
1 tsk salt
1/4 bolli vatn
Látið krauma við háan hita í tæplega 10 mínútur – eða þangað til blandan verður ljósbrún. Smellið beikoninu saman við og skvettið yfir fulla skál af ís.
Karmellan verður stökk. Ah, að bryðja hana með mjúkum ísnum. Lífið tekur einfaldlega nýjan lit. Ég elska beikon. Elska það.
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
