Ég hef lært ýmislegt í lífinu. Til dæmis að karlmenn eru ekkert sérstaklega hrifnir af The Notebook. Eða Sleepless in Seattle. Eða My Sister´s Keeper. Nei, þeir eru margir hverjir ekki til í slíka gráthátíð. Hérna eru þó hugmyndir af kvikmyndum sem horfa má á saman og enginn fer að skæla.
Svo er líka fullkomlega leyfilegt að henda karlinum bara út og skæla yfir einni klassískri. Og borða Bingókúlur.
Ef þú kýst að hafa hann á sófanum hjá þér þá eru þessar ágætar til áhorfs:
1. Silver Linings Playbook
Einstaklega skemmtileg mynd sem skartar frábærum leikurum. Og í stað þess að grenja er hægt að slefa yfir Bradley Cooper. Það verður aldrei þreytt. Aldrei segi ég.
2. Walk the Line
Dásamleg mynd um tónlistarmanninn Johnny Cash. Myndin fjallar um ævi hans, ástir, sorgir og sigra. Stútfull af góðri tónlist líka. Sem er ávallt plús.
3. Notting Hill
Hún er bara alltaf klassísk. Sama hvað hver segir.
4. 10 Things I Hate About You
Ég skæli að vísu alltaf duglega yfir þessari. En það er bara af því að Heath er dáinn. Blessaður anginn.
5. Crazy Stupid Love
Ryan Gosling fáklæddur í öðru hverju atriði? Ég er mætt. Jú, hún er líka fyndin – minnir mig.
6. There´s Something About Mary
Hún er ennþá fyndin. Sver það. Ég horfði á hana um síðustu helgi og pissaði í mig. Tvisvar.
7. Forgetting Sarah Marshall
Gamanmynd sem er laus við væmni og leiðindi. Pissfyndin á köflum.
8. Hitch
Ég er alltaf dálítið skotin í Will Smith. Það eru voða sætar konur í myndinni líka. Eitthvað fyrir alla.
9. How to Loose a Guy in 10 Days
Ó, þessi er gömul og góð. Matthew enn ungur og stinnur. Namm. Sykursæt, fyndin og rómantísk mynd. Það þarf ekkert meira. Nema mögulega rauðvínsglas.
10. Groundhog Day
Ein af mínum uppáhalds. Ótrúlega vel leikin og Bill Murray dásamlegur að venju.
Tengdar greinar:
Kvikmyndir sem fá framhald á árinu
Hvernig er best að eyða Valentínusardeginum – Myndir
Valentínusarkort að hætti Grumpy cat – Myndir
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
