Í Póllandi framdi hin 12 ára gamla Maria Kislo sjálfsmorð. Hún fannst hengd í svefnherbergi sínu og hafði skilið eftir miða sem stóð á að hún vildi hitta aftur pabba sinn á himninum. Skv. fréttum var stúlkan eyðilögð eftir að hafa misst Arek föður sinn, en hann lést af hjartaáfalli árið 2009.
Það var móðir hennar, Monika 35 ára, sem fann Mariu látna. “Hún leit ekki út fyrir að vera óhamingjusöm. Það voru engin vandamál í skólanum og hún leit út fyrir að vera hamingjusöm lítil stelpa”, segir Monika. “Ég hafði ekki hugmynd um að hún saknaði föður síns svona mikið, hún talaði aldrei um það”.
Rithöfundurinn og fjölmiðlamaðurinn Christopher Hitchens talar um það í bók sinni “God is not great” (Guð er ekki góður) frá árinu 2007 að trú eitri allt. Sorgleg endalok Mariu Kislo staðfesta þá skoðun hans: að einhver svo ungur að árum skuli kasta lífi sínu á glæ fyrir von um eftirlíf er ógnvekjandi og áminning um skaðann sem bókstafstrú getur valdið.
Ragna er miðborgarbarn sem elti ástina til útgerðarparadísarinnar Grindavík. Þó að ástin hafi yfirgefið hana hefur hún enn óbilandi trú og áhuga á fólki, ástinni og lífinu og tilverunni.
