Góðir kokteilar fyrir sumarið!
Öll erum við enn að bíða eftir góða veðrinu á Íslandi – enda eru íslensku sumrin yndisleg ef við fáum gott veður. Hví ekki að búa til okkar eigin sumar á meðan við bíðum eftir því að stytti upp? Búa sér til sitt eigið sumar, hella því í glas og drekka það í sig!
Bestu sumardrykkirnir eru þeir sem vekja bragðlaukana með sterku ávaxtabragði og hressa mann við og þessvegna er um að gera að búa til drykki saman, t.d. í góðra vina hópi, á meðan maður slakar á um helgar eða við hinar ýmsu uppákomur! Uppskriftirnar fyrir kokteilana sem hér verða birtar á eftir eru áfengar en að sjálfsögðu er alltaf hægt að sleppa áfenginu og njóta þessara safaríku kokteila!
Engifer Shandies
Ef bjór er ekki nóg fyrir grillveisluna er þessi drykkur tilvalinn til þess að hressa aðeins upp á drykkjavalið. Þið blandið saman Hoegaarden bjór, engifer bjór. Skerið svo niður nokkar sítrónur í fínar sneiðar og setjið saman við bjórinn. Ekki gleyma klökunum!
3 flöskur Hoegaarden bjór
1 flaska engifer bjór
1 sítróna
(mynta fyrir þá sem vilja)
Appelsínu Splash
Þessi kokteill fellur eflaust vel í kramið hjá þeim sem elska Cider. Þessi kokteill er bæði sætur og súr og á auðvelt með að kitla bragðlaukana.
60 ml Citrus Vodka
30 ml Contreau eða Triple sec
Sítrónusafi (smakkið til)
Appelsínusafi (smakkið til)
Sykur (eftir smekk)
Skerið niður nokkrar appelsínur í fínar sneiðar
Klakar
Njótið svo vel!
