Sarah Sands var fimm barna móðir árið 2014, sem myrti barnaníðing fyrir að misnota þrjá syni hennar.
Sarah drakk tvær vínflöskur og fór heim til níðingsins, Michael Pleasted, 77 ára, og stakk hann átta sinnum, en þau bjuggu í London. Maðurinn hafði breytt nafni sínu til að fela slóð sína, en hann hafði misnotað fjölmörg börn á 30 ára tímabili.
Synir Sarah eru nú allir orðnir 18 ára og hafa stigið fram til að lýsa yfir fullum stuðningi við móður sína. Móðir þeirra er nú laus úr fangelsi og berst fyrir því að lög um nafnabreytingum fyrir barnaníðinga verði hert.
Í samtali við DailyMail sögðu synirnir að þeim hafi liðið betur að vita að maðurinn væri dáinn og þeim fyndist þeir öruggari. Sarah hefur sagt frá því að hún finni nú fyrir sektarkennd vegna morðsins og sagði hún: „Ég kem lífi inn í þennan heim. Það hvarflaði aldrei að mér að ég yrði sek um að taka líf út úr þessum heimi.“
Einnig sagði hún í viðtali við BBC Breakfast: „Við barnaníðinga vil ég segja þetta: ef þú snertir börn verða að vera afleiðingar. Og að fela sig með því að breyta nafni sínu, það á ekki að vera hægt. Þeir eiga ekki að geta breytt nafni sínu.“
Sarah var dæmd fyrir manndráp en ekki fyrir morð því talið var að um stundarbrjálæði væri að ræða. Hún sat inni í 7 og hálft ár og segist hafa gert „það sem allar mæður myndu gera“.
Í réttarhöldunum sagði Sarah að hún hefði farið til Michael, sem bjó hinum megin við götuna, til að biðja hann að viðurkenna glæpi sína og láta ekki syni hennar og önnur fórnarlömb þurfa að ganga í gegnum réttarhöld.
Þegar hann kom til dyra, virti hann beiðni hennar að vettugi, glotti og sagði henni að drengirnir væru allir lygarar sem hefðu eyðilagt líf hans. Sarah sem var með hníf með sér segist þá hafa misst stjórn á sér og stungið hann 8 sinnum.
Það liðu örfáir tímar þangað til Sarah gaf sig fram við lögreglu og sagði meðal annars: „Hver vill hýsa fok##%% barnaníðing, svona í alvöru, Hann var bara að biðja um vandræði.“
Flottir þessir strákar og skynsamir en hér að ofan eru þeir með mömmu sinni í viðtali hjá BBC.
Sjá einnig:
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
