Margar af okkur þvo hárið sitt á tveggja til þriggja daga fresti en sumar vildu gjarnan hafa lengra á milli. Á þessum dögum náum við ekki að leyfa hárinu að liggja frjálst niður, það er kannski orðið pínu fitugt á öðrum degi og oft verður uppgjöf á þeim þriðja og þá er það þvegið.
Hér eru 5 hárgreiðslur sem eru fullkomnar og jafnvel enn betri en þegar hárið er tandur hreint:
Taktu það upp í háan hnút, togaðu vel í það í allar áttir og þú ert tilbúin í daginn.
Þegar kemur að fiskifléttu finnst okkur hún fallegri aðeins toguð í sundur. Slepptu nokkrum lokkum og hárgreiðslan er klár.
„Franskur“ snúður finnst okkur alltaf virka aðeins of frúarlegur í hreint hár. Ýfðu hárið aðeins áður en þú snýrð hárinu upp í franskan snúð og dragðu nokkra lokka fram í andlitið.
Að gera tvær fléttur að framan er frábært trix til að fela fituna í rótinni.
Settu lágan hnút í hnakkanum og dragðu lokka fram í andlitið. Þessi greiðsla veldur stundum pirringi við akstur fyrir sumar konur.
Ef þú ert með stutt hár þá mælum við bara með þurrsjampói sem fæst í flestum matvöruverslunum og hárgreiðslustofum landsins. Það er afar gott að eiga þurrsjampó hvort sem maður er með stutt eða sítt hár. Gott að setja í rótina til að fríska aðeins upp á hárið á milli þvotta.
Anna Birgis tók saman fyrir Heilsutorg
