Það er gott að eiga þurrkara og ákveðinn lúxus ef svo má að orði komast. Það eru þó nokkrir hlutir sem ættu ekki að fara í þurrkara:
1. Sundföt. Öll föt með Spandex mun byrja að eyðast og tapa teygjanleika sínum ef þau eru sett í þurrkara.
2. Brjóstahaldarar. Þeir eru of viðkvæmir og hitinn eyðileggur líka lögun þeirra.
3. Baðmottur með gúmmíi. Gúmmíið sem er neðan á mörgum baðmottum getur dottið af í þurrkaranum og það hefur meira að segja valdið íkveikju.
4. Sokkabuxur. Jafnvel þó þú setjir sokkabuxurnar bara í þurrkarann í 5 mínútur er alltaf hætta að þær fari í hnút og komi lykkjuföll í þeim. Hengdu þær frekar upp nálægt þurrkaranum eða í nánd við ofn. Þær eru fljótar að þorna.
5. Allt með glingri. Ef það eru perlur, pallíettur eða steinar á fötunum ættu þau ekki að fara í þurrkarann. Glingrið getur bráðnað og einfaldlega dottið af.
6. Mokkasíur. Þær eyðileggjast pottþétt ef þú setur þær í þurrkarann. Settu þær í nánd við ofn eða í sólina og leyfðu þeim að þorna.
