1. Þú getur ekki orðið ólétt á blæðingum
Það er ekki rétt. Sæði getur lifað í allt að því 5 daga og egglos á sér ekki alltaf stað sama dag í hverjum tíðahring. Þannig að ef konan er ekki á neinni getnaðarvörn þá getur hún alveg orðið ólétt ef þið hafið samfarir meðan hún er á blæðingum. Sérstaklega ef það er á seinni hluta blæðinganna.
2. Ef þú færð fyllingu í tennurnar meðan þú ert á blæðingum þá eru fyllingarnar líklegri til að detta úr
Þetta er eins mikið bull og það getur orðið. Blæðingar og tannlækningar hafa ekki áhrif hvort á annað.
3. Þú missir MIKIÐ blóð á blæðingum
Flestar konur missa, sem jafngildir, 2 matskeiðum af blóði á dag, á blæðingum. Það virðist hinsvegar oft vera miklu meira þegar það kemur í bindið, tappann eða bikarinn.
4. Þú átt ekki að stunda kynlíf á blæðingum
Já kynlíf á blæðingum getur verið virkilega ógeðfelld hugsun fyrir marga en í raun er það gott ráð gegn túrverkjum að fá fullnægingu
5. Fyrirtíðaspenna er ekki til
Það er ekki rétt. Fyrirtíðaspenna er svo sannarlega raunverulegt fyrirbæri og finna um 85% kvenna fyrir fyrirtíðaspennu í einhverri mynd.
6. Þú ert óaðlaðandi á blæðingum
Karlmenn laðast frekar að konum þegar þær eru á blæðingum samkvæmt rannsókn frá árinu 2006. Þar kom í ljós að konur framkalla einhverja lykt sem annars er ekki til staðar, sem laðar karlmenn að þeim.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
