Þýska tískuvöruverslunin Comma opnaði með pompi og prakt í Smáralind á fimmtudaginn. Comma er þýsk tískuvöruverslun og hefur verið eitt stærsta tískuvörumerki í Evrópu síðastliðinn áratug með yfir 100 verslanir í 25 löndum, auk þess sem vörumerkið er selt í 2.200 verslunum víðsvegar um heiminn.
Margt var um manninn á opnun búðarinnar og var boðið upp á freyðivín og allskyns góðgæti. Fötin í versluninni eru glæsileg og vönduð og á verði sem maður ræður við.
Það var eitthvað svo ferskt við þessa verslun og fatnaðinn þeirra og ótrúlega gaman að koma þarna inn.
Í versluninni verður boðið upp á tvær vörulínur: Comma og Comma casual identity. Comma höfðar til nútíma kvenna í starfi eða við sérstök tilefni og brúar bilið á milli vörumerkja á borð við Zara eða Espirit Collection og merkja eins og Boss eða Max Mara. Það má segja að Comma fari milliveginn á milli mainstream og háklassa tískuvöru. Comma casual identity er hins vegar aðeins meira stílað inn á kvenmenn í frístundum með afslappaðra yfirbragði og er meira að brúa bilið á milli vörumerkja á borð við GAP og Tommy Hilfiger.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
