Fótboltakappinn Cristiano Ronaldo hélt framhjá sjóðheitri kærustu sinni

Fótboltakappinn Cristiano Ronaldo og rússneska módelið Irina Shayk eru hætt saman. Fjölmiðlar vilja meina að að Irina hafi gengið út þegar hún loksins áttaði sig á því að hinn portúgalski fótboltamaður hafi verið að sofa hjá öðrum konum.

Upplýsingafulltrúi Irinu staðfesti sambandsslitin í síðustu viku en þau hættu saman um áramótin. Fjöldi fólks var búið að segja henni að Ronaldo hafi oft haldið framhjá henni í gegnum 5 ára samband þeirra.

Eitt af framhjáhöldunum á að hafa átt sér stað árið 2012 með portúgalska sjónvarpskynninum Ritu Pereira sem hefur einnig setið fyrir í Playboy. Rita og Ronaldo sáust láta vel að hvoru öðru á skemmtistað í Portúgal sem Ronaldo á, en eftir það fór af stað orðrómur um að þau hafi farið heim saman.

Árið 2013 steig brasilíska módelið Andressa Urach fram og sagðist hafa sofið hjá Ronaldo eftir að hafa hitt hann á Villa Magna Hotel í Madríd. Ronaldo neitaði þeim sögusögnum alfarið.

Í júlí í fyrra sást síðan til Ronaldo skemmta sér með J.R. Smith og nokkrum bikiníklæddum skvísum í Las Vegas á meðan Irina var upptekin við að kynna bíómyndina Hercules í Los Angeles.

Svo virðist sem eitthvað hafi fyllt mælinn hjá Irinu en hún á ekki eftir að vera í erfiðleikum með að finna sér nýjan fola.