Amma mín segir að það eigi aldrei að nota orðið ógeðslega þegar talað er um mat. Ég ætla að leyfa mér að gera undantekingu í þetta sinn. Þetta er ógeðslega gott. Stökkt, sætt, sykrað og unaðslegt. Hvet ykkur til þess að prófa.
Rice Krispies kubbar með Oreo & hvítu súkkulaði
3 bollar Rice Krispies
10 stykki Oreokexkökur
2 og 1/2 bolli sykurpúðar
1 og 1/2 matskeið smjör
hvítt súkkulaði til skrauts
- Setjið Oreokexið í poka og lúskrið aðeins á því með kökukefli.
- Rice Krispies fer í skál og gróflega brotið kexið saman við.
- Bræðið saman smjör og sykurpúða þar til blandan verður silkimjúk.
- Hellið sykurpúðamixtúrunni í skálina og hrærið öllu vel og vandlega saman. Smyrjið lítið eldfast mót og látið innihald skálarinnar flakka ofan í það.
- Sléttið og gerið snyrtilegt. Bræðið dálítið hvítt súkkulaði og slengið yfir. Inn í ísskáp með þetta í 30 mínútur.
Skerið í kubba og snæðið.
Tengdar greinar:
Nammisprengja með Nutella, Maltesers, Oreo & Dumle karamellum
Rice Krispies snillingur á Instagram
Kornflex terta með bananarjóma og saltri karamellusósu – Uppskrift
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
