Ó, þessar pönnukökur – þær eru svo stórkostlega ljúffengar! Og eru meira að segja í hollari kantinum. Það er ein matskeið af sykri í uppskriftinni – ég læt það nú alveg eiga sig. Enda er ég ein af þeim sem ennþá borðar kolvetni.
Súkkulaðipönnukökur
1/4 bolli spelthveiti (ég nota gróft)
1/4 tsk lyftiduft
1 msk ósætt kakó
1 msk sykur
1/16 tsk salt ( einn sextándi úr teskeið já – ég henti bara fáeinum saltkornum í deigið)
1 og 1/2 msk olía
1 tsk vanilludropar
5 og 1/2 msk mjólk (ég nota yfirleitt örlítið meira)
Þurrefnunum er blandað vel saman. Þetta blauta síðan hrært við.
Síðan er bara að baka litlar pönnukökur og anda að sér undursamlegum súkkulaðiilm.
Þetta er mjög lítil uppskrift. Hún gerir um það bil sex litlar pönnukökur. Þarna sjáið þið þrjár. Hinar þrjár flugu upp í mig beint af pönnunni. Ég borðaði líka dálítið magn af deigi á meðan ég bakaði.
Hrikalega ljúffengt – eiginlega eins og að snæða köku í morgunmat.
Tengdar greinar:
Amerískar pönnukökur – Uppskrift
Fisléttar morgunverðar pönnukökur með bláberjasýrópi
Quesadilla með bláberjum, banana og rjómaosti
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
