Það var tilkynnt í dag að undirvörumerki Coca- Cola verði sameinuð á þessu ári og verða því drykkir eins og Coke Light og Coke Zero þá að Coca- Cola en í mismunandi umbúðum og með ólikri innihaldslýsingu.
Carlos Cruz, nýr forstjóri Vífilfells kynnti þessa breytingu í dag á Hilton Reykjavík hótelinu fyrr í dag, en þessi ákvörðun var kynnt um alla Evrópu á sama tíma. Hann sagði jafnframt að það yrði „engin breyting á bragðinu.“
Einnig var sagt frá því á fundinum að kók í gleri er 100 ára í ár, en Coca-Cola hefur verið á borðum Íslendinga í yfir 70 ár og hefur verið sett í gang auglýsingherferð með Ladda og Unni Steinsson sem landsmenn hafa eflaust tekið eftir.
Nú þurfum við bara að bíða þangað til maí til að sjá nýju umbúðirnar.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
