Hin 72 ára gamla Linda Berrety olli usla á skyndibitastaðnum Kentucky Fried Chicken í Missisippi nýlega. En Linda hóf að gefa 42 ára gömlum syni sínum brjóst inni á miðjum veitingastaðnum. Voru viðstaddir ekki parhrifnir af uppátækinu og létu skoðanir sínar í ljós við yfirmenn staðarins. Á endanum voru Linda og sonur hennar vinsamlegast beðin um að yfirgefa staðinn.
Sjá einnig: Myndir af mæðrum með barn á brjósti þykja of ögrandi fyrir Facebook
Málið hefur vakið talsverða athygli vestanhafs og heitar umræður hafa átt sér stað um það á samfélagsmiðlum. Hefur fólk tjáð sig um að konur hafi rétt til þess að gefa brjóst hvar og hvenær sem þær vilja og svo virðast aðrir deila skoðunum þeirra sem staddir voru á KFC á þessum tímapunkti og segja að hér sé um að ræða sifjaspell og athæfi af kynferðislegum toga.
Einn viðskiptavinur skyndibitakeðjunnar lét hafa eftir sér:
Ég hef ekkert á móti brjóstagjöf en þetta var algjör hneisa. Mér leið eins og ég væri að horfa á blætiskennt klám. Þú þarft að vera snarrugluð til þess að vera ennþá að gefa einstakling á þessum aldri brjóst. Það ætti að handtaka þau fyrir ósæmilegt athæfi á almannafæri.
Sjálf sér Linda ekkert að gjörðum sínum:
Ég, sem móðir, hef rétt til þess að gefa barni mínu brjóst. Ef fólk er ekki hlynnt mínum uppeldisaðferðum þá er það þeirra mál. Ég hef staðið mig vel í móðurhlutverkinu og ég sé ekkert athugavert við það að ég hafi ákveðið að gefa barni mínu brjóst örlítið lengur en almennt tíðkast.
Sjá einnig: 13 „vandamál“ sem brjóstgóðar konur þekkja
