Þetta eru græðgislega góðir snúðar. Það var hefð fyrir því að þetta var bakað í kílóavís þegar leitir voru að bresta á og þóttu ekki slæmar í nestið hjá smölunum. Þetta er frábær uppskrift og mjög góð í horn, vínarbrauð eða smjörköku.. en snúðarnir eru alveg snilld.
Snúðar
1 kg hveiti
2 tsk lyftiduft
1 ½ tsk kardimommuduft
100 gr sykur
200 gr smjör, smjörlíki eða góð matarolía
2 ½ dl mjólk
3 dl vatn
100 gr ger eða 2 pakkar þurrger
Smjörlíkið brætt. Mjólk og vatn hitað þannig að það sé sirka 37-40 gráðu heitt. Blandið öllum þurrefnum saman og síðan er öllu blandað saman og hnoðað vel.. Sett í skál og sett á heitan stað og stikki breitt yfir. Látið hefast þannig að degið stækki um helming. Þá er það hnoðað og skipt í fjóra hluta. Flatt út og kanilsykri stráð yfir og rúllað upp.
Skorið í ca 1 ½ cm sneiðar og þeim raðað á plötu.
Matarkarfan er hugarfóstur mæðgina sem eru „Made in sveitin“. Lífið þeirra snýst að stórum hluta um mat. Hugsa um hann og hvað á að elda? Hvernig á að elda?
Og borða hann , ekki gleyma því..Það er hin unaðlega umbun við að læra að gera góðan mat.
