Þessi íbúð er í gamalli byggingu frá sjöunda áratugnum. Maður á erfitt með að sjá það fyrir sér en það er nú samt þannig. Hönnuðurnir sem tóku íbúðina í gegn voru beðnir um að gera íbúðina einstaklega nútímalega og það gerðu þeir.
Þeir rifu niður alla óþarfa veggi því íbúðin er bara 43 fm en samt ná þeir að hafa 2 svefnherbergi og af myndunum að dæma virðist hún miklu stærri.
Þetta gráa, hvíta og svarta er allsráðandi og misjafnt örugglega hvað fólki finnst um það. Mér finnst það alveg töff en samt er komin pínulítill geimstöðvarfílingur í þetta finnst mér.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
