Fjöldinn allur af stjörnum eru að setja myndir af sér hálf nöktum eða einfaldlega alls nöktum á Instagram og aðra keimlíka samfélagsmiðla. Svo virðist sem um stormsveip sé að ræða og segja stjörnurnar að þær vilji veita fylgjendum sínum eitthvað persónulegt frá þeim.
Nekt í sjálfu sér er nokkuð sem ekkert okkar á að skammast sín fyrir og geta myndir af nöktum líkömum verið mjög fallegar. Hjá mörgum vaknaa þó spurningar um tilgang þessarar sýniþarfar, sem smitar út frá sér út í samfélagið. Ef þú hefur verið dugleg í ræktinni og það ber á skornum vöðvum eða þú hefur þá “nauðsynlegu” guðsgjöf að vera grannvaxin og hefur allt sem til brunns þarf að bera til að vera samþykktur innan þessa pínu litla ramma sem heitir eftirsóttasta normið.
Við viljum hafa allt og eiga allt. Við viljum vera sérstök og einstök en um leið vera alveg eins og allir sem þykja flottastir. Hvað er einstakt við það að vera eins og allir hinir eða hversu áhugavert er að vera ekki öðruvísi og að skera sig úr fjöldanum og fyrir til dæmis að vera glaður með það sem maður hefur og nota persónutöfra sína til að setja bros á andlit annarra? Margir spyrja sig eflaust þessarar spurningar en um leið þrá þau að vera eins og ímynd af einhverjum öðrum, vera einhver önnur eða annar en þau eru.
Er persónulegt að horfa á líkama frægs fólks og mun okkur líða eins og við þekkjum þau betur, af því við sjáum á þeim skinnið og dáumst að þeim í fjarska? Um leið potar það inn hugmyndum í huga okkar um það hvernig fyrir okkur er best að vera. Svo langt hefur það gengið að konur í stærri stærðum vilja líka vera staðalímyndir og eru að reyna hvað þær geta að ýta of grönnu fólki aðeins til hliðar, svo að konur sem geta ekki tilheyrt litla kassanum með eftirsóttasta norminu, gráti ekki í koddann á kvöldin og finni til viðbjóðar þegar þær horfa á sjálfa sig. Stærri konur eru jafn fallegar og það vita flestir sem elska slíka konu.
Ytra útlit mun ekki koma þér áfram í lífinu, né sjá til þess að þú finnir hamingjuna sem þér er ætluð. Hamingjan kemur frá þér, þegar þú getur horft í spegilinn og verið sátt við að það er frábær manneskja stendur þar á móti þér. Stoltið sem þú finnur fyrir þegar þú áttar þig á því að þú átt skilið medalíu fyrir að standa af þér allt sem á daga þína hefur drifið. Grunnhyggin útlits- fyrstaálitshyggja, fleytir manni víst ekki langa leið þegar það kemur að verkefnum sem við þurfum að ganga í gegnum til að komast á toppinn.
Nekt er falleg, á litlum, of mjóum, venjulegum, þéttum, mjúkum, krumpuðuðum, öróttum, freknóttum og með öllu því móti sem genin og lífsgangan hefur mótað okkur með. Við skulum þó vera viss um að við sjáum fegurð með okkar eigin augum, en ekki þeirri ímynd sem utanaðkomandi áhrif setja í huga okkar.
Sjá einnig: Birti nektarmynd af sér á Instagram
Sjá einnig: Viðbrögð eldra fólks við nektarmyndinni af Kim Kardashian
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
