Nýjustu fregnir herma að raunveruleikastjarnan Kylie Jenner eigi orðið afar fáa vini og sé jafnvel farin að hrekja fjölskyldumeðlimi sína í burtu. Heimildarmaður tímaritsins OK! segir frá því að frægðin sé virkilega farin að stíga Kylie til höfuðs:
Hún átti eitt sinn fullt af vinum, fólk sem hún hafði umgengist síðan í æsku. En nú hefur fækkað verulega í hópnum. Framkoma Kylie hefur ekki verið til fyrirmyndar undanfarið og það eru fáir sem kæra sig um að vera í kringum hana.
Heimildarmaðurinn segir einnig frá því að Kylie sé orðin þekkt fyrir dívustæla hvar sem hún kemur.
Kylie getur verið bæði hrokafull og dónaleg.
Ofan á allt er Kylie víst líka óforbetranlegur daðrari og það fer mikið í taugarnar á fólkinu í kringum hana.
