Það stefnir í mikla stemningu á Ingólfstorgi annað kvöld en þá verður landsleikur Íslands og Hollands í undankeppni EM í knattspyrnu sýndur í beinni útsendingu á risaskjá.
Það er símafyrirtækið Nova sem stendur fyrir sýningunni en skjárinn sem notast verður við er sá stærsti á landinu. Torginu verður breytt í Arena de Ingólfstorg vegna leiksins en hann hefst klukkan 18:45 og að sjálfsögðu ætla okkar menn að taka þetta.
Nova sýndi einnig beint frá leikjum á HM í Brasilíu í fyrrasumar og var uppátækinu vel tekið eins og sjá má á meðfylgjandi myndum.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
