Sjá einnig: Þyngdaraukning, þreyta og fleira getur stafað af vanvirkni í skjaldkirtli
Líkamsþyngdarstuðull er reiknaður út frá líkamsþyngd og hæð og er notaður sem mælikvarði á holdafar fólks. Staðallinn skiptist þannig að þeir sem eru milli 20-25 eru taldir vera í eðlilegum holdum meðan þeir sem eru milli 25-30 eru of þungir – ef líkamsþyngdarstuðull mælist hins vegar yfir 30 telst viðkomandi vera með offitu.
BMI = kg/m² (BMI = þyngd/hæð x hæð)
Dæmi:
Veigar er 83 kg og 1,86 m á hæð
83/(1,86×1,86)= 22,3
Líkamsþyngdarstuðull Veigars er 22,3, sem er þal. í kjörþyngd (sbr töflu)
Valdi er 99 kg og 1.82 m á hæð
99/(1.82×1.82)= 27.2
Líkamsþyngdarstuðull Valda er 27,2 sem er þal. of þungur (sbr töflu)
Sjá einnig: Hugrakkur ungur maður sýnir afleiðingar yfirþyngdar
Hafa skal þó í huga að gildin sem fást úr jöfnunni eru ekki algild. Þannig eru þeir sem stunda íþróttir oft með mikinn vöðvamassa sem áhrif hefur á þyngdina og þannig þyngdarstuðulinn. Vel þjálfaður íþróttamaður getur þannig haft sama líkamsþyngdarstuðul og sá sem er of þungur.
Þessi grein er af heimasíðu Sjúkraþjálfunar Afls og er birt með góðfúslegu leyfi þeirra
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
