Við vitum það að það er pirrandi að vera alltaf að fá hárið í andlitið þrátt fyrir að vera með hárband, spennur og sprey. Það er óþolandi! Ég hef sjálf leitað að hárbandi sem er nógu gott til að halda hárinu mínu frá án þess þó að stoppa blóðrásina upp í heila og enda með dúndrandi höfuðverk. Ég er með krullað, þykkt hár sem er mjög óstýrilátt og yfirleitt er ég alltaf „Frizzy“. 
Mér var bent á þessa týpu af hárböndum; Ivyband og ákvað að ég gæti nú alveg prófað þessa týpu. Ég er mikið í Hot Yoga í World Class og lendi oft í veseni með hárið á mér í tímunum. Það er heitt og rakt í tímunum svo ég verð alveg eins og ég hafi stungið fingrunum í innstungu. Ég fór með bandið í tíma og ég held bara að þetta hafi verið einn sá besti tími sem ég hef farið í ef tekið er tillit til útgangsins á hárinu á mér þegar ég kom út. 
Bandið helst vel í og rífur ekki í hárið þegar það hreyfist eða maður tekur það úr. Það rífur ekki í litlu hárin aftan á hnakkanum og er ekki að skerast í höfuðleðrið á mér. Ég er að fíla þetta!
Þau eru til í allskyns litum og líka með glimmeri svo maður getur breytt til.
Ég fann Ivybands á Facebook og sá að þau eru með leik í gangi og það er hægt að vinna svona band ef maður er heppinn.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
