Raunveruleikastjarnan Khloe Kardashian og körfuboltamaðurinn Lamar Odaom ákváðu í síðustu viku að gefa hjónabandi sínu annað tækifæri. Eins og flestum er kunnugt fannst Lamar meðvitundarlaus í vændishúsi fyrir stuttu og var vart hugað líf eftir mikla áfengis- og vímuefnaneyslu. Khloe hefur staðið eins og klettur við hlið hans undanfarið og ætlar að hjálpa honum í gegnum meðferðina og endurhæfinguna sem framundan er.
Sjá einnig: Khloe Kardashian og Lamar Odom eru hætt við að skilja
Ef marka má vefmiðilinn TMZ hefur Khloe þó gert Lamar það fyllilega ljóst að ef hann snerti við áfengi og vímuefnum aftur þá fari skilnaðarferlið aftur í gang. Samkvæmt heimildarmanni TMZ er þetta allra síðasta tækifærið sem Lamar fær hjá Khloe.
