Það er ótrúlega gaman og gefandi að þvo þvott… sagði enginn, aldrei nokkurntímann. En það sem er gert til að einfalda, ef svo má að orði komast, þessa þvotta eru merkimiðarnir sem eru inni í hverri einustu flík sem maður kaupir. Þessir miðar eru oft eitthvað sem maður klippir innan úr flíkinni því þeir eru oft óþarflega stórir og ljótir.
Ég vissi voðalega takmarkað um þessi tákn öll sem eru á miðunum. Jú ég næ því að hitastigið er þarna og voga mér ekki að setja flíkina á hærra hitastig en stendur á miðanum. Svo þekki ég „bannað að setja í þurrkara“ merkið, en eins og flestir hafa lært á eigin skinni, getur það reynst ansi dýrkeypt að setja flík í þurrkara sem ekki má fara í svoleiðis þurrkun.
Ég fann þessa fínu mynd á netinu, keypti myndina og þýddi öll táknin eftir bestu getu. Ótrúlega þægilegt að hafa þetta blað hjá þvottavélinni og rétt að tékka þegar ég er ekki viss um eitthvað tákn. Vinkona mín sá þetta um daginn og vildi fá afrit og þá datt mér í hug að fleiri vildu fá svona blað.
Hér er því þitt afrit kæri lesandi. Þú getur náð í það hér eða bara prentað hana út hér fyrir neðan
Fylgstu með!
Kidda á Instagram
Hún.is á Instagram
Kidda á Snapchat: kiddasvarf
Hún.is á Snapchat: hun_snappar
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
