Fregnir herma að körfuboltamaðurinn James Harden og raunveruleikastjarnan Khloe Kardashian hafi hætt saman fyrir nokkru. Samkvæmt Mirror Online fékk Harden sig fullsaddan af sambandi Khloe og Lamar Odom. En Khloe hefur staðið eins og klettur við hlið Odom síðan hann fannst meðvitundarlaus á vændishúsi seint á síðasta ári. Það var þó Khloe sem endaði sambandið en hún átti erfitt með að takast á við það skilningsleysi sem Harden sýndi sambandi hennar við Lamar.
Sjá einnig: Lamar Odom fór í fjallgöngu með Kim og Khloe
Það er kannski ekki undarlegt að James hafi ekki sýnt Khloe fullan stuðning en Lamar flutti nýlega í næsta nágrenni við Khloe og er hún, að sögn heimildarmanns, hjá honum nánast öllum stundum.
