Þau hafa verið perluvinir frá því að þau léku saman í Titanic fyrir tæpum 20 árum, en Kate Winslet var svo gríðarlega stolt af Leo sínum að hún felldi tár þegar fékk sín fyrstu Óskarsverðlaun í hendurnar fyrir besta leikarann í aðalhlutverki í kvikmyndinni The Revenant.
Sjá einnig: „Börnin mín búa hjá mér og þannig er það!!“ – Kate Winslet á 3 barnsfeður
Leo var sá eini sem fékk að ljúka við þakkarræðu sína og gafst einnig tækifæri á því að brýna fyrir almúganum mikilvægi þess að sporna við hlýnun jarðar og standa saman á móti þeim fyrirtækjum sem menga einna mest.
Þrátt fyrir að Leonardo ferðist gríðarlega mikið með einkaþotum, sem þekktar eru fyrir að vera sérlega mengunarvaldandi, einbeitir hann sér grimmt að því að vekja fólk til umhugsunar um alla þá mengunarvalda sem eru í heiminum.
Sjá einnig: Hárið á Leonardo DiCaprio gerði allt vitlaust
Kate sjálf rétt missti af verðlaununum fyrir bestu leikkonuna í aðalhlutverki, en rifnaði næstum úr stolti við að sjá einn besta vin sinn vinna loksins sín fyrstu Óskarsverðlaun.
Sjá einnig: Var sagt að sætta sig við hlutverk feitu stelpunnar
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
