Hin 22 ára gamla Demi Wright lést í seinasta mánuði en læknar héldu að unga konan væri barnshafandi. Demi hafði verið með verk í síðunni og fór til læknis í nóvember. Hún var lögð inn á meðgöngudeild en hormónin í þvaginu gáfu til kynna að hún væri ófrísk.
Fljótlega kom í ljós að þessi sársauki var ekki ólétta heldur var hún með tæplega 13 sentimetra krabbameinsæxli. Krabbameinið var ólæknandi og hafði dreift sér um líkama hennar. Hún var lögð inn á Addenbrooke spítala í Cambridge í byrjun árs.
Demi hafði unnið sem förðunarfræðingur fyrir Lancome og faðir hennar sagði þetta um hana:
„Demi var með smitandi og gullfallegt bros sem lýsti hennar persónuleika mikið.“ Hann segir að þessi reynsla hafi verið ólýsanlega erfið. „Þegar við komumst að því að krabbameinið væri ólæknandi, settist hún upp í rúminu, klappaði á rúmið sitt og sagði „pabbi, komdu og sestu hér“. Svo faðmaði hún mig og sagði: „Þetta verður allt í lagi“. Daginn eftir lést hún.“
Fjölskylda Demi hefur sett í gang söfnun á GoFundMe til minningar um hana og fer ágóðinn af síðunni í krabbameinsrannsóknir.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
