Fyrrum súpermódelið Janice Dickinson er nú að undirbúa sig fyrir enn aðra baráttuna eftir að hafa unnið bug á alkóhólisma, búlemíu og anorexíu. Hún hefur greint frá því að hún sé nú að glíma við brjóstakrabbamein. Meinið uppgötvaðist við reglulegt eftirlit sem hún fer í og í kjölfarið var tekið sýni. Hún segir að hún hafi verið mjög hrædd í fyrstu en segir síðan:
Ég er Janice Dickinson og ég ætla að vera hérna lengi, lengi og þið losnið ekki ennþá við mig.
Ég greindist með brjóstakrabbamein fyrir tveimur vikum, það er erfitt fyrir mig að segja það en ég hef verið greind með brjóstakrabbamein.
Janice, sem er 61 árs gömul, sagði einnig að henni liði eins og hún væri stödd í martröð eftir greiningu sína. Móðir hennar Jennie Marie Pietrzykoski lést úr sjúkdómnum árið 1995, svo Janice gerir sér fulla grein fyrir alvarleika meinsins.
Sjá einnig: Segist vera of falleg til að lifa eðlilegu lífi
Þó að hún eigi erfitt líf að baki, þá er hún mjög glöð með unnusta sinn Dr. Robert Gerner og börnin sín tvö Nathan og Savannah, en segir þó að hún kæri sig ekki um neina samúð í veikindum sínum.
Sjá einnig: Hugrökk kona birti mynd af sér eftir aðgerð vegna brjóstakrabbameins
Sjá einnig: Móðir greind með brjóstakrabbamein á meðgöngu
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
