Saga hennar byrjaði fyrir löngu síðan, eða þegar hún var ung og gift lögfræðingnum Robert Kardashian. Það var ekki fyrr en morðið á eiginkonu OJ Simpson átti sér stað, að bæði hún og Robert komu fram í sviðsljósið og vöktu mikla athygli.
Í nýrri bók sem ber nafnið Kardashian veldið hafa verið opinberaðar alls kyns upplýsingar um höfuðpaurinn Kris Jenner og í henni kemur meðal annars fram ferli Bruce Jenner og um það hvers konar viðskiptakona Kris í raun er.
Sjá einnig: Caitlyn Jenner kyssir Kris Jenner á munninn
Stuttu síðar skildu Kardashian hjónin og Kris var tilneydd til að einbeita sér að því hlutverki að vera einstæð fjögurra barna móðir. Kris var þó ekki einhleyp lengi, þar sem hún kynntist Bruce Jenner á golfmóti fína fólksins, sem haldið var af Michael Jordan. Þau kolféllu fyrir hvort öðru, en Bruce, sem var frægur fyrir að hafa unnið til gullverðlauna í tugþraut á Ólympíuleikunum árið 1976, hafði verið að taka inn kvenhormóna svo árum skipti.
Kris lét sér fátt um finnast og reyndi hvað hún gat til að snúa eiginmanni sínum og leiðrétta “kynvillu” hans með því að láta hann fara í meðferð á vegum kirkjunnar og biðja til guðs um leiðarvísi gegn “meini” sínu. Sú meðferð skilaði engum árangri og átti Bruce það til að vera mjög niðurdreginn og í eitt skipti sem vitað er um, skaðaði hann sjálfan sig. Til allrar lukku náði hans sér á strik aftur og tókst að klæðast kvenmannsfötum í skjóli heimilis síns, þegar enginn var heima. Það kom þó fyrir að hann var gómaður, en ávallt var Kris sú, sem bað hann um að hætta að láta undan hvötum sínum.
Sjá einnig: Caitlyn Jenner: „Það er vegna þessa sem guð setti mig á þessa jörð“
Eftir 25 ára hjónaband skildu leiðir þeirra og Bruce byrjaði samstundis kynleiðréttingarferli sitt og er nú þekkt sem Caitlyn Jenner.
Kris hefur einnig fingur sína í öllum málum dætra sinna og hefur unnið hart að því að vera umboðsmaður þeirra allra. Hún gerir allt sem í valdi hennar stendur til að skapa þeim frama og heimsathygli og hefur jafnvel gengið svo langt að setja tilfinningar þeirra til hliðar til að tróna þeim fram.
Getgátur eru á lofti um að hún hafi átt þátt í því að kynlífsmyndband Kim hafi lekið, í þeim tilgangi að vekja á henni áthygli. Hún ýtti mjög mikið á Kim í að sitja fyrir í tímaritinu Playboy í sama tilgangi, ásamt því að þrýsta á að hún myndi giftast rapparanum Kanye West. Kanye hafði heillast af Kardashian fjölskyldumyndinni og sá Kris í hendi sér að hann væri tilvalin viðbót við vörumerkið.
Sjá einnig: Kris Jenner blindfull í afmælisveislu
Lamar Odom er einnig einn þeirra sem Kris hafði augastað á. Hann hafði vakið á sér mikla athygli fyrir óíþróttalega hegðun sína sem MBA stjarna og hefur hún ýtt mikið á dóttur sína í að viðhalda hjónabandinu, þrátt fyrir eilífan vandræðagang á kappanum.
Dætur hennar allar 5 hafa öðlast frægð og frama fyrir tilstilli móður sinnar, en því hefur vissulega fylgt mikill fórnarkostnaður, því Kris Jenner svífst einskis.
Kris ásamt fjórum elstu börnum sínum og fjórum börnum Bruce Jenner frá tveimur fyrri hjónaböndum.
Kris með Robert Kardashian, Kourtney, Kim og Khloe.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
