Kendall og Kylie Jenner voru á leið sinni á veitingastað í Los Angeles í síðustu viku þegar æstar ungar stúlkur hópuðust að þeim. Kendall og Kylie hafa verið í sviðsljósinu síðan þær voru smástelpur og ættu því að vera orðnar nokkuð sjóaðar í samskiptum við æsta aðdáendur. Eitthvað virtist þó liggja illa á Kylie þetta kvöldið en hún reyndi hvað hún gat að komast hjá því að yrða á stúlknahópinn sem beið fyrir utan veitingastaðinn. Kendall var talsvert viðkunnalegri en hún bæði spjallaði við stúlkurnar og staldraði við fyrir myndatökur.
Borgar ekki af bílnum hennar Kylie Jenner
Kylie var ekkert spennt fyrir því að láta taka myndir af sér.
Kendall lét hins vegar æsta aðdáendur lítið trufla sig.
Fregnir herma að Kris Jenner hafi orðið fjúkandi reið við yngstu dóttir sína þegar hún fékk veður af þessari hegðun. Samkvæmt Kris Jenner, sem er umboðsmaður systranna, eiga þær ávallt að vera kurteisar við aðdáendur sína og sýna þeim virðingu. En svo er auðvitað spurning hversu mikið áreiti hægt er að þola.
