1.
Settu skrautsand, kaffibaunir eða perlur í sæta blómavasa og stingdu förðunarburstunum ofan í.
2.
Notaðu smekklega tímaritahirslu undir raftæki á borð við krullujárn, sléttujárn og rakvélina.
3.
Ef þú notar mikið magn af hárvörum getur þú sparað talsvert pláss með því að koma brúsunum fyrir í litlum vínrekka.
4.
Mikil prýði getur verið af litríkum naglalökkum og þess vegna sniðugt að stilla þeim upp á fallegum kökudiski eða setja þau í kökukrús.
5.
Akrýlbox af öllum stærðum og gerðum spara pláss og taka sig vel út inni á hvaða baðherbergi sem er. Slík box eru fáanleg til dæmis í Ikea og Rúmfatalagernum.
6.
Krukkur, krukkur, krukkur. Það virðist ætla að vera áfram í tísku setja hitt og þetta í glerkrukkur. Þær má nýta undir eyrnapinnana, bómullina og hágreiðurnar, svo eitthvað sé nefnt. Það má líka dunda sér við að skreyta krukkurnar skemmtilega áður en þeim er stillt upp.
