Samkvæmt slúðurmiðlinum RadarOnline er Jennifer Garner ekki hrifin af því hvernig Ben Affleck hefur sleppt sér þegar kemur að því að þjálfa líkama sinn. Þau hafa verið í þeim hugleiðingum að skilja en hafa samt sett þau áform á bið. „Ben er orðinn svo latur en Jennifer er í besta formi lífs síns. Líkamsræktin er hennar sjálfshjálparmeðferð. Henni finnst „björgunarhringurinn“ og karlmannsbrjóstin á Ben ekki aðlaðandi og ekki bætir úr skák að hann er skapillur og þunnur á morgnana,“ segir heimildarmaður.
Sjá einnig: Ben Affleck mætti fullur í spjallþáttaviðtal
Ben hefur verið mikið að ganga eftir Jennifer og vill fá hana aftur. Hún hefur viljað að hann færi að æfa en hann neitar því og segir þessi heimildarmaður að hann geti bara kennt sjálfum sér um ef hún bindur algjörlega enda á hjónabandið.
