Fólk varð heldur betur ósátt við val Victoria Beckham á fyrirsætum sínum á tískupöllunum. Fyrisætur hennar voru allar svo grannar að bein þeirra voru sérlega sýnileg og vakti það óhug margra þeirra sem á sýninguna horfðu.
Sjá einnig: Þegar Victoria Beckham var í snyrtiskólanum
Haft var orð á því að þær fyrirsætur sem klæddust fötum Victoria á pallinum höfðu verið þær sem aðrir vildu ekki ráða vegna þess hversu lífshættulega grannar þær litu út fyrir að vera. Mikil vitundarvakning hefur verið í tískubransanum að undanförnu og hafa fyrirsætur þurft að gangast æ meira undir læknisskoðun, til að kann hvort þær eru með fulla heilsu þrátt fyrir grannan líkamsburð. Einnig hefur verið meira um að fyrirsætur í stærri stærðum og aðrar sem falla ekki í þetta klassíska fyrirsætuform, prýði pallana, sem er mjög jákvæð þróun.
Victoria sjálf vill ekki meina að það sé samansem merki á milli þess að fyrirsætur hennar séu grannar og að þær séu heilbrigðar. Sumir segja þó að hún sé ekki að vera alveg samkvæm sjálfri sér með valið á fyrirsætunum, því nýverið skrifaði hún bréf til sjálfrar síns þegar hún var ung og talaði hún þar um hversu hrædd hún hafði verið um að vera of feit og að vera með skaddaða sjálfsmynd.
Sjá einnig: Er Victoria Beckham einhent?
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
