Svo virðist sem Madonna (58) sé að verða fyrir fataóhöppum svolítið að undanförnu. Það er ekki langt síðan hún var með dóttur sinni, Lourdes, á tískusýningu, þar sem sást vel og greinilega í aðra geirvörtuna hennar. Nú átti óhappið sér stað á strætum Lundúnarborgar, þar sem Madonna var úti að hjóla með tveimur einkaþjálfurum sínum.
Sjá einnig: Madonna gefur eftir
Ekki er alveg klárt hvort hún hafi viljandi verið að sýna nærbuxur sínar, en buxurnar sem hún var í náðu svo langt niður að það skein greinilega í g-strenginn.
Ekki er langt síðan Madonna og Guy Ritchie náðu að leysa vandamálin sín á milli áður en réttað var í forræðismáli þeirra. Samþykkt var að Rocco myndi búa hjá föður sínum í London, en samningurinn sem gerður var fól einnig í sér að ef Guy þyrfti að fara úr landi í einhverjum erindagjörðum, þyrfti Madonna að koma til London og sjá um hann á meðan. Nú er Guy staddur í Bandaríkjunum og því þarf Madonna að dvelja í Bretlandi í ákveðinn tíma.
Íbúar London geta því átt von á því að sjá nærfatnað hennar á götunum af og til á næstunni.
Sjá einnig: Madonna og börnin í Afríku
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
