Það tók dívuna ekki langan tíma! Mariah Carey fer ekki leynt með að hún er komin með nýjan mann upp á arminn. Sagan segir að eitthvað hafi verið að gerast á milli þeirra svo vikum skiptir, en það eru einungis tveir mánuðir frá því milljónamæringurinn James Packer sleit trúlofun þeirra. Talið er að það hafi verið vegna þess að Mariah hafi verið of gjörn á að spreða peningunum hans og viljað opinbera líf þeirra of mikið.
Sjá einnig: Mariah Carey var dömpað
Mariah (48) hefur nælt sér í dansarann Bryan Tanaka (33) og svo virðist sem hún hafi gert í því að láta vita að hún væri kampakát með fenginn á Hawaii á mánudaginn.
Ekki er langt síðan Mariah var á Hawaii, en hún var þar síðast á þakkargjörðardaginn með börnum sínum tveimur og fyrrverandi eiginmanni, Nick Cannon.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
